كيف تحمي جهازك وبريدك من (الهكرز)

في البدايه اذا كنت ماتعرف وش الهكرز او وشلون راح يضرك الهكرز

ممكن ترجع لبعض المقالات عن تاريخ الهكرز وبدايتهم

وممكن تستعين بمحرك البحث جوجل لمعرفة بدايات الهكرز وانواعه واشكاله

http://www.google.com

اكتب  هكرز او الاخترق وراح تطلع لك مجموعة مقالات ممكن تستفيد منها.

هالموضوع يخص المبتدئين في عالم الانترنت

نرجع لموضوع الحمايه وقضية حمايه الجهاز صعبه وممكن تكون ممله بس ضروري تعطيها اهتمام اكبر وخصوصا اذا كنت تحتفظ بملفات خاصه في جهازك ماتبي احد يشوفها غيرك

يعني اذا مافكرت في موضوع حماية الجهاز قبل كذا صدقني جهازك الحين عزبة للهكرز :)

كيف تحمي جهازك من الأختراق ؟؟

عملية اختراق الأجهزه تصير عن طريق منافذ موجوده بجهازك

هالمنافذ تصير موجوده بعد ماينجح الهكرز في زرع ملف تجسس يسهله اختراق جهازك

او ممكن ملف التجسس يوصلك عن طريق صديق او عن طريق دخولك مواقع غير امنه

وتعرف هالملفات باسم Patch File

اذا تبي تتأكد هي موجوده او لا اتبع هالخطوات عن طريق  الرجستري (Registry)

اتبع هالخطوات:

رح الى زر ابدأ واختار تشغيل واكتب الامر التالي regedit

راح يطلع لك دفتر الرجستري تحصل على القائمه في اليسار هالمفتاح

HKEY_ LOCAL_MACHINE

وتختار Software ومنها الى Microsoft وبعدها Windows وتختار هالمفتاح

Current Version

وتختار Run راح يطلع لك على اليمين قائمتين وحده تحت اسم name وفيها اسم الملف الي بقائمة بدء التشغيل الثانية قائمة Data وفيها معلومات عن الملف وامتداد هذا الملف أو البرنامج

بمجرد ماتحصل في قائمة name ملف بدون اي بيانات واسمه غريب عليك يعني مو من البرامج الي تستخدمها غالبا يكون باتش تختاره وتضغط الزر del عشان تحذفه 

كيف تمنع وصول ملفات التجسس الى جهازك

لازم يكون عندك مجموعة من برامج الحمايه

اول برنامج  هو Norton AntiVirus وتقدر تنزل البرنامج من هالموقع

Norton AntiVirus 2002 beta 

كراك  طبعا نسخه تجريبيه بعد ماتنزل الكراك راح تصير كامله وتوفيرا للوقت ننصحك تشتري نسخه من اقرب محل كمبيوتر :)

وظيفة البرنامج  يفحص لك كل الملفات الي تنزلها بجهازك او الملفات الموجوده من الفيروسات وملفات التجسس الي ممكن يزرعها الهكرز بجهازك

ولازم تحدث البرنامج كل اسبوع على الأقل من موقع الشركه لأنه يوميا تنزل فيروسات جديده لازم البرنامج يتعرف عليها عن طريق التحديث

 

والبرنامج الثاني هو zone alarm ووظيفته يشوف لك البرامج الي تحاول الأتصال بالأنترنت ويشاورك اذا تبي تسمح لها او لا وطبعا انت تكون عارف البرامج الي تستخدمها

وتقدر تنزله من هنا

ZoneAlarm Pro v 2.6.362

والرقم التسلسلي للنسخه

s/n: dk68s-vfgfv-wh0jt-wnm68g-kx0w00

وراح تحصل شرح استخدام البرامج المذكوره في منتديات الكمبيوتر

فيه برنامج مفيد جدا  واسمه Adware

ويبحث عن ملفات مايتعرف عليها النورتين وبرامج الأنتي فيروس

وتقدر تنزله من هالموقع

adware

طرق حماية الاجهزه كثير لكن تطرقنا للأشهر والأفضل ان شاء الله ..

وبرامج الحمايه اكثر بس لاتنزل اي برنامج تشوفه يكفيك ثلاث برامج مع متابعة تحديث البرامج كل اسبوع او اسبوعين

 

سرقات البريد وكيف تحمي بريدك من السرقه ؟

انتشرت في الفتره الأخيره طرق سرقة البريد وخصوصا بريد hotmail

فيه بعض ملفات التجسس ممكن يزرعها الهكرز بجهازك تتولى ارسال له جميع الباسووردات الي تدخلها بجهازك او كل ماتكتبته على الكيبورد ويزرع لك باتش اسمه ( KeyLogger ) خطير جدا

وفيه بعض الخدع الي راح نحذر منها في هالموضوع

سيصلك إيميل بعنوان كالتالي

re-register your Account

وأسم المرسل ثم بعد كالتالي

MSN support

سيطلب منك في هذا الإيميل كتابة اسم المستخدم والباسورد وإرساله بحجة إعادة تسجيلك

إنتبه ولا تكتب أي شيء ولا ترسل أي شي حيث ان المرسل يحاول الاستيلاء على بريدك

 

او ممكن تحصل موضوع بعنوان هل تريد اختراق بريد في الهوت ميل ؟؟

ويحط لك ايميل وهمي وكأنه ايميل خاص بالدعم الفني للشركه وهالأيميل هو الي مسويه ويطلب منك ارسال معلومات ايميلك مع الرقم السري طبعا والأيميل الي تبي تخترقه  ويقولك بعد ماترسله هالمعلومات راح نعطيك الرقم السري الخاص بالبريد الي تبي تخترقه وطبعا كلها خدعه غبيه لكن ممكن تمشي هالحيل على المبتدئين

والي اجبرنا نكتب مثل هالأساسيات  في عدد المجله ونذكر فيها هو الأنتشار الخطير والتطور المخيف للهكرز في الأونه الأخيره واهمال كثير من مستخدمي الأنترنت لجانب الحمايه .

مع تمنياتنا لكم بالتوفيق ..